44 ёшли, уйсиз Варалоп (Waralop) исмли таиландлик эркак метродан ҳамён топиб олди. Ўзи уйсиз, пулсиз бўлса-да, ҳамёндаги кредит карталарни ва пулларни эҳтиёжи учун сарфламасдан, полицияга топширди. Ҳамён эгаси 30 ёшли, фабрика хўжайини Ниити Понгкрайньос (Niity Pongkriangyos) Варалопнинг виждонли ва софдиллигидан ҳайратга тушди. У миннатдорчилик сифатида Варалопни фабрикага ишга олди ва уй билан таъминлади. Энди уй-жойсиз юрган Варалоп ойига 317 доллар маош оладиган ва ертўлада кун кечирмай, ўзининг шахсий уйида яшайдиган бўлди.