28-29 ноябрь кунлари Тошкентда ўтадиган “Замонлар чорраҳаси: ўтмишнинг буюк мероси-маърифатли келажак пойдевори” халқаро медиа-форумига ташриф буюрадиган меҳмонларнинг мазкур лойиҳа ҳақидаги фикрлари билан ўртоқлашамиз...
Александр Вильгельм, «Mueller & Shindler» нашри вакили: — Ташкилотимиз номидан мазкур муҳим анжуманга таклиф этишгани учун ўз миннатдорчилигимни изҳор этаман. Айниқса, бебаҳо қадимий қўлёзмаларнинг факсимиле нусхалари лойиҳасидаги иштирокимизни таъминлаганингиз учун бағоятда шодмиз. Мазкур дунё миқёсидаги нуфузли лойиҳа замирида ўзбек халқининг буюк меросини ўрганиш, уни келажак авлодга қолдириш ва халқлар ўртасидаги дўстона муносабатни сақлашга хизмат қилишига ишончим комил. Лойиҳа иштирокчиларини дунё миқёсидаги маданиятни қўллаб-қувватлашдаги бебаҳо хизмати учун ҳам алоҳида ташаккур!