ФИФА рефериси Равшан Эрматов ЖЧ-2018 ўйинларини бошқариши мумкин бўлган ҳакамлар рўйхатидан ўрин эгаллади.
Цюрихда бўлиб ўтган ФИФА ҳакамлар қўмитасининг навбатдаги йиғилишида ЖЧ-2018 мусобақасида фаолият юритиши мумкин бўлган 25 нафар реферилар саралаб олинди.
Агар Эрматов ЖЧ-2018 ўйинларида ҳам ишлайдиган бўлса, ўз рекордни янгилаши мумкин. Ҳозиргача айнан Эрматов мундиалларда энг кўп учрашувни (9 учрашув) бошқарган ҳакам бўлиб турибди.
ФИФА томонидан эълон қилинган 25 нафар ҳакамларнинг 9 нафар европалик, беш нафари – Жанубий Америкадан, тўрт нафари – Осиё, уч нафари – КОНКАКАФ ва яна бир нафар Океания рефериларидир.
Ҳозирча бу ЖЧ-2018да ишлайдиган ҳакамларнинг сўнгги рўйхати саналмайди. Якуний рўйхат 2018 йилнинг январида эълон қилинади.