Қуйидаги машқларни кўрсатилган кетма-кетликда бажариш руҳий мувозанатингизни тиклаб олишга кўмак беради. Ҳар бир машқ 5 дақиқадан давом этади.
- Машқ гиламчасига ётинг. Курак орақасига болиш қўйинг. Қўлларни ёнга ташлаб, кўзларни юминг. Енгил нафас олиб, хаёлан танангиздаги ғуборни чиқариб ташлаётганингизни тасаввур қилинг.
- Тизза билан ўтиринг. Болишни қучоқлаган ҳолатда бошни ён тарафга қаратинг. 10 марта енгил нафас машқини бажаринг.
- Навбатдаги машқ учун болиш керак бўлмайди. Тиззага ўтириб, қўлларингиз билан ён тарафга чўзилинг. ҳаракатингиз охиста бўлсин.
- Суратдаги каби кўринишга келинг. Бошни пастга эгиб, танангизни бўш қўйинг.
- Тиззага ўтирган ҳолатда, қўллар билан мувозанатни ушланг. Нафас олганда бўйинни пастга эгинг. Ўпкани бўшатганда эса бошни юқорига кўтарасиз.
- Бу машқни бажариш хиёл қийинроқ кечади. Тиззага таянганча бел ва кўкрак қисмини суратдагидек аввал ўнгга сўнг чапга ҳаракатлантирасиз. Асосийси, ўзингизни зўриқтирманг. Оғирлик даражасини шундай ушлангки, олдинга оғиб ҳам кетманг, ортга тисарилманг ҳам.
- Оёқларни бир-бирига чалиштириб, қўлларни юқори кўтаринг. Нафас олиш ва ўпкани бўшатиш машқини бажаринг.
- Оёқлар чалиштирилган ҳолатда. Қўллар юқорига кўтариб, бирлаштирилгаан. Гавда мувозанатини назорат қилиб, қўлларни олд томонга чўзинг.
- Ўтирган ҳолатда бирлаштирилган қўлларни орқа томонга олинг. Куракни текис ушлаганча умуртқани ҳаракатга келтиринг.
- Ўнг қўл белда, чап қўл орқа тарафдан ўтказилган. Шу ҳолатда ён тарафга белингизни энгаштиринг. Сўнг қўллар жойлашувини алмаштириб, иккинчи ён тарафга эгиласиз.
- Болишни бўкса қисмига жойлаштиринг. Қўл ва оёқларга зўриқиш тушмасин. Кўзларни юмиб, енгил нафас олинг.
- Ва сўнгги машқ. Болишни тиззанинг орқа қисмига қўйиб, оёқ мушакларини бўшаштиринг. Қўлларни ён тарарфга эркин ҳолатда ташланг. Кўзларни юмиб, танангизнинг қувват манбаи тўлиб бораётганини тасаввур қилинг.
