— Газ, сув ва свет учун қандай ўлчагичларни ўрнатиш мақсадга мувофиқ?
Б.Сангинов, Сирдарё вилояти Ховос тумани
Дониёр ҚОДИРОВ, “Ўзбекистон миллий метрология институти” давлат корхонаси директори:
—Фуқаролар Ўзбекистон Республикасининг Давлат реестрига киритилган барча газ, свет ва сув ўлчагичларни сотиб олишлари мумкин.
— Оддий фуқаро ўлчагични ишлаб чиқарувчи Давлат реестри рўйхатига киритилганлигини қаердан билади?
— Давлат реестрига киритилган ўлчагичлар рўйхати “Ўзстандарт” агентлигининг расмий веб-сайти standart.uzда берилган. Қолаверса, Давлат реестридан ўтмаган ўлчагичлар сотувга чиқарилмайди. Таъминотчи корхона ҳам давлат реестиридан ўтмаган ҳисоблагичларни ўрнатмайди.
— Ўлчагичлар сотилувчи махсус дўконлар борми?
— Фуқаролар газ, свет ва сув ўлчагичларини юртимиздаги барча бозорлар ва дўконлардан сотиб олишлари мумкин. Албатта, сотиб олаётганларида маҳсулотнинг сертификат қоғози ни кўриб олиниши шарт.
