Германиянинг Дуйсбург шаҳрида қумдан қарийб 15 метрли қалъа барпо этилди. Баландлиги 14,5 метр бўлган мазкур ҳайкалтарошлик асарини қуриш учун 3 ҳафта муддат ва 2 тоннадан зиёд қум сарфланди. Лойиҳа иштирокчилари 2015 йили Майамида ўрнатилган Гиннесс рекордини янгилашни мақсад қилгандилар. Ўшанда 1,8 тонна қум ёрдамида деярли 14 метрли қалъа бунёд этилганди. Бироқ германиялик рекорд иштиёқмандларининг саъй-ҳаракатлари беҳуда кетди. Сабаби, “Гиннесс рекордлари китоби”нинг махсус комиссияси кўрик вақтида қумда қурилиш ёғочларининг қолдиқлари мавжудлигини аниқлади ва бу ҳолатни қоидабузарлик деб ҳисоблаб, рекорд ўрнатилганини тасдиқламади.
