Момақалдироқлар вақтида рўй берган яшин уриши натижасида дунёда ҳар йили 10 мингдан зиёд киши ҳалок бўлади. Бу авиаҳалокатлар оқибатида оламдан кўз юмадиганлар сонидан кўп. Табиий офатнинг бу туридан камдан-кам киши тирик қолади. АҚШнинг Шенандоа миллий боғида назоратчи бўлиб фаолият юритган Рой Салливанни 1942-1977 йиллар оралиғида 7 бор яшин уради. Аммо Рой ҳар сафар ушбу бахтсиз табиат ҳодисасидан омон қолади. Мазкур фавқулодда ноёб ҳодиса боғ шифокори томонидан расман рўйхатга олинган ва тасдиқланган.