Мао Вэйдонг исмли хитойлик полициячи тирсаги ва оёғига таяниб, ҳаракатсиз туриш борасида янги жаҳон рекордини ўрнатди. Бу турдаги машғулот бўйича мусобақа Пекин шаҳрида бўлиб ўтди.
44 ёшли ҳарбий 8 соату 1 дақиқа давомида ирода кучини намойиш этди. Шу тариқа Чин юрти вакили ўз натижасини қарийб икки карра янгилаб олди. Унинг аввалги натижаси 4 соату 26 дақиқани ташкил қилганди.
Маълум бўлишича, рекордчи Хитой ҳукуматида терроризм ва зўравонликка қарши кураш бўлимида фаолият юритади. Бўш вақтларини эса спорт залида ўтказишга одатланган.