7600 метр баландликда ўрнатилган тарихий натижа

Рекорд 10.11.2017, 15:43
7600 метр баландликда ўрнатилган тарихий натижа

Спортчи-парашютчи Люк Айкинс 7600 метр баландликдан парашютсиз сакраш бўйича жаҳон рекордини ўрнатди. У Калифорния жанубида енгил моторли самолётдан сакради ва тўртта автокран тутиб турган 20 қаватли уй баландлигидаги ҳимоя тўрига келиб тушди. Мазкур хавфли трюк “Fox” телеканали орқали тўғридан-тўғри намойиш этиб борилди.

Маълум бўлишича, спортчи ушбу тарихий натижани қайд этишга бир ярим йил давомида тараддуд кўрган. Рекорд қайд этилиши кўп жиҳатдан тўрнинг сифатига боғлиқ, чунки у тезликни пасайтиришга қулай бўлиши ва шу билан бирга, Люкни батутдан ҳавога қайтариб улоқтирмаслиги зарур эди.

42 ёшли Люк Айкинс ўз фаолияти давомида 18 мингдан зиёд хавфли трюкни бажарган бўлиб, улардан 30 тасида захира парашютдан фойдаланишга тўғри келган. У кўплаб таниқли парашютчиларга мураббийлик қилган ва ҳатто “Темир одам-3” фильмида каскадёр сифатида суратга тушган.

Шарҳлар

Об-ҳаво: Тошкент
Валюта курси
1