-Укам хотини билан ажрашган. Боласи учун алимент тўлайди. Яқинда хорижга кетиш ҳужжатларини тайёрлаётиб, чет элга чиқиши учун суд томонидан тақиқ қўйилганини билдик. Ушбу тақиқни қандай қилиб бекор қилиш мумкин?
Насиба Маманова, Қашқадарё вилояти
-Қарздорлик тўловлари мавжуд бўлган ҳолатларда фуқаронинг хорижга чиқиши чеклаб қўйилади. Айни вазиятда укангизнинг қарздорлик тўловларини аниқлаш лозим. Агар чиндан ҳам қарздорлик мавжуд бўлса, унинг тўлиғича қопланиши чеклов бекор қилиниши учун асос бўлади. Вояга етмаган фарзандлар учун тўланаётган алиментга доир қарздорлик ҳам хорижга чиқиш учун чеклов қўйилишига сабаб бўлиши мумкин.
Манба: «Sug'diyona» газетаси
