Энг улкан тўй торти мақоми Анкасвилль шаҳридаги (АҚШ) Mohegan Sun Hoteland Casino меҳмонхонаси қандолатчилари томонидан бир ҳафтада тайёрланган 6,8 тонна тош босувчи тортга насиб этди. Ушбу ширинлик 2004 йилнинг 8 февралида бўлиб ўтган никоҳ маросими учун буюртма қилинган. Ваниль таъмга эга торт бантик ва юракчалар билан безатилади.
Уни тайёрлаш учун 4 540 кг. бисквит, 2180 кг. кремдан фойдаланилди. Умуман олиб қараганда мазкур улкан тўй ширинлиги 59 минг меҳмоннинг қорнини тўйғизиши мумкин эди, агар ҳар бир меҳмон унчалик катта бўлмаган ширинлик бўлаги билан кифояланса. Аммо тўй маросимида бу қадар катта аудитория қатнашмади. Шу сабабли ушбу улкан тўй тортининг кейинги тақдири номаълумлигича қолган.
