Дуг Сус — сайёрамиздаги энг машҳур ҳайвон ўргатувчилардан бири. Дуг дунёдаги ҳеч бир кимса жазм этолмайдиган қалтис ишларга қўл уришдан ҳам тап тортмайди. Масалан, у бошини айиқнинг оғзига қўрқмасдан кирита олади. Дуг мана 40 йилдан бери Хебер-Сити ранчосида (Юта штати) рафиқаси Линн билан биргаликда тўрт нафар айиққа ғамхўрлик қилиб келади. Айиқ ва уларнинг “ота-оналари” ушбу муддат ичида бир неча ўнлаб голливуд юлдузлари, жумладан, Брэд Питт, Женнифер Энистон ва Эдди Мерфи билан ишлашга муваффақ бўлди.
