Электрон онлайн-аукционда иштирок этиш учун аризаларни бериш тартиби қандай?
“Аукцион” электрон онлайн аукционларни ташкил этиш ДУК маълумотларига кўра:
1. Электрон онлайн-аукционда иштирок этишга аризалар хабарнома жойлаштирилган кундан бошлаб операторнинг веб-порталида автоматик тарзда қабул қилинади ва электрон онлайн-аукционни ўтказиш кунидан олдинги кун соат 9-00 да якунланади. Ариза қабул қилиш учун белгиланган муддат ўтгандан кейин келиб тушган аризалар қабул қилинмайди.
2. Ариза электрон рақамли имзо билан имзоланади ва унга закалат пули тўланганлигини тасдиқловчи тўлов ҳужжатнинг электрон (сканер қилинган) нусхаси илова қилинади.
3. Бунда, тўлов ҳужжатининг тўлов мақсадида кафолат пули тўланаётган лот рақами кўрсатилган бўлиши лозим.
ЭСЛАТИБ ЎТАМИЗ: суд ҳужжатлари ва бошқа органлар ҳужжатларини ижро этишда мол-мулкни реализация қилиш бўйича электрон- онлайн аукцион 2017 йил 1 сентябрда ишга туширилган.
