— Бир қариндошимизнинг эри ўн олти йилдан буён алимент тўламайди. Ўтган йиллар давомида эр-хотин ажрашишмаган бўлишса-да, бирга яшамайдилар. Айтинг-чи, аёл ўтган йиллар учун алимент қарзини ундириши мумкинми?
Адвокат Дилфуза Тўхтаева жавоб беради: — Агар ўша пайтда қариндошингиз алиментдан воз кечган бўлса, алимент ундириш учун воз кечилганлик даъвосинитиклаш лозим. Бу масаланинг бир ечими. Саволингиз бироз ноаниқ бўлгани боис муаммонинг иккинчи сабабни ҳам кўриб чиқамиз. Агар алимент ундириш ҳақида суд қарори чиқарилган бўлса, нега ўн олти йил давомида ижро амалга оширилмади? Борди-ю, алимент ундириш бўйича ижро ҳаракатлари тугатилмаган бўлса, алимент ундирувчининг аризасига асосан, алимент ундириш масаласи ҳал қилиниши мумкин. Шунга кўра алимент суммаси болалар тўлиқ вояга етгунига қадар берилади.
Манба: “SUG‘DIYONA” газетаси
