Замонавий тилшунослик фанида икки ёки ундан ортиқ тилларни эгаллаган кишиларни “полиглот” деб атайдилар...
♦ Ватикан давлатининг тилшуноси, кардинал Жузеппе Каспар Меццофанти (1774-1848й.й.) 114 тил ва 72 лаҳжадаги сўзларни ўз тилига таржима қила олган. Шунингдек, у 60 тилда бемалол гапирган ва ёзган. Энг қизиғи, умр бўйи туғилиб ўсган юртидан ташқарига чиқмаган ноёб қобилиятли руҳоний буларнинг барини ҳеч кимнинг кўмагисиз, мустақил ўрганган.
♦ ХХ аср вакили англиялик журналист Гарольд Уильямс 70 та тилни жуда чуқур билган. У 10 ёшидаёк грек, лотин, иврит, фаранг ва немис тилларида бемалол гаплаша олган.
♦ Бирлашган Миллатлар Ташкилотида бир неча йил таржимон бўлиб ишлаганЖорж Смит 69 тилни мукаммал билган.
♦ Австралиялик профессор Стивен Вурм эса 500 га яқин тилни билиб, улардан 30 тасида худди ўз она тилидагидек гапира олади.
♦ 1993 йилда туғилган Шимолий Танзания давлатининг Аруша шаҳри фуқароси Шариф Ид на ўрта ва на бошқа бир ўқув даргоҳини кўрмасдан, ҳатто, бирор бир чет мамлакатга бормай ёки хорижликлар билан маълум вақт мулоқот қилмасдан туриб араб, инглиз, француз, итальян ва ўзининг суахили ҳамда Конгонинг маҳаллий лингала тилларини икки-уч дақиқа орасида оғзаки ўзлаштириб олган.
♦ Испан тили бутун дунёда инглиз ва хитой тилидан сўнг кенг тарқалган. У ўзининг ғалати тиниш белгилари билан ажралиб туради. Масалан, “?” ва “!” қўлланадиган гапларда ушбу белгилар гап бошида ҳам ёзилади. Энг қизиғи, улар гап аввалида тескарисига ёзилади. Мисол учун, “Ишларингиз яхшими?”, деган гап испан тилида “¿Cómo estás?” шаклидадир.
