-Чет эл сафари пайти паспортимни ўғирлатиб қўйдим. Элчихонага учрашиб, бўлиб ўтган воқеани баён этдим ва менга сертификат беришди. Қайтиб келгач, бир қанча суҳбатлардан ўтиб, янги паспорт олдим. Хорижга чиқиш учун виза олай десам, рад этишди. Билсам, паспорт четига «депорт» деб ёзиб қўйишган экан. Ахир мен депорт қилинмаганман, ҳужжатимни йўқотганман, холос. Нега нотўғри маълумот киритишади? Энди нима қилишим мумкин?
Исми сир тутилди.
-Агар сиз томонингиздан мамлакатдан чиқариб юборишликка олиб келувчи ножўя хатти-ҳаракатлар содир этилмаган бўлса, нима сабабдан паспортингизга бу ҳақда белги қўйилганлигини ойдинлаштириш учун шу ташкилотнинг ўзига мурожаат этишингиз лозим. Агар ушбу ҳолат чиндан ҳам англашилмовчилик бўлса, юқори турувчи ташкилотлар ёки судга арз қилишингиз мумкин.
Манба: «Sug'diyona» газетаси
