Буни замонавий илм-фаннинг ўзига хос мўъжизаси дейиш мумкин. 13 ҳафталик таълимдан кейин 52 ёшли фалаж аёл мия тўлқинлари ёрдамида робот-манипуляторини бемалол бошқаришни ўрганиб олди. Бунинг учун аёлнинг мия пўстлоғида 96 каналли интракортикаль микроэлектродлар ўрнатилди. Бу робот “қўллар” энди ногирон учун жуда катта қулайликларни яратиб беради ва бошқаларнинг ёрдамисиз ўз эҳтиёжларини бажаришга замин яратади.
