Колумбиянинг Лоро шаҳри сув остида қолди, деб хабар берди Vesti.ru нашри.
Бир ҳафтадан бери тинмаган ёмғир шаҳарни сув остида қолдирди. Сув тошқини оқибатида 800 нафар оила маҳаллий ҳукумат томонидан эвакуация қилинди.
Сўнгги маълумотларга кўра, табиий офат туфайли 3 минг киши жабрланди. Юзлаб уйлар вайрон бўлди. Қутқарув тадбирларида ҳарбийлар ҳам иштирок этмоқда. Синоптикларнинг маълумот беришича, ўтган ҳафтада ҳам ёғингарчилик тинмайди.
