— Эшитишимизча, яқинда Тошкент шаҳрига бошқа вилоятликлар учун пропискага қўйиш имкони берилибди. Айтинг-чи, айнан қайси уйлардан сотиб олсак, пойтахт пропискасига ўтишимиз мумкин бўлади?
Музаффар Юсупов, Урганч шаҳри
Валишер ЭРГАШЕВ, Тошкент шаҳар Чилонзор туманидаги 1-сонли давлат нотариал идораси нотариуси:
— Яқинда эълон қилинган қарорга асосан бошқа вилоятда рўйхатда турувчи фуқароларни Тошкент шаҳрига пропискага қўйиш янги қурилган уйларни сотиб олиш эвазига амалга оширилади. Бунда янги қурилган уй деганда қурилганидан сўнг яшаш учун топширилганига уч йилдан ошмаган янги уй-жойлар тушунилади. Шунингдек, бундай фуқаролар учун ушбу уйларнинг ҳам сотиб олиш нархлари белгилаб берилган.
