9-10 май кунлари “Уммон” гуруҳи Наманган шаҳридаги “Навбаҳор” стадионида концерт дастурини тақдим этиши режалаштирилган эди. Бироқ концерт ўтказилмади — ижтимоий тармоқлар ва Telegram мессенжерида стадион кириш эшиклари олдида йиғилиб турган минглаб одамлар акс этган видео ва фотосуратлар тарқалди.
Интернет фойдаланувчилари “Уммон”нинг концерти бўлади, деб чипталар сотилгани, бироқ белгиланган кунда стадионга ҳеч ким киритилмагани ҳамда концерт ўтказилмаганини маълум қилган. Масалага ойдинлик киритиш мақсадида “Дарё” журналисти Феруз Муҳаммад “Уммон” гуруҳи маъмури Дониёр Алимуҳамедов билан боғланди.
Дониёр Алимуҳамедов, “Уммон” гуруҳининг маъмури:
Концертдан бир кун аввал Наманганга етиб бориб, ўзимиз билан боғлиқ бўлган барча тайёргарлик ишларини қилдик. Аммо концерт ташкилотчилари Наманган вилояти ички ишлар ходимларини огоҳлантирмасдан концерт дастурини ташкил қилгани сабаб, концертимизга рухсат берилмади.
Концерт ташкилотчилари ташкилий ишларда йўл қўйган хатолик сабаб 15 мингдан зиёд мухлисларимизга концерт тақдим этмай қайтишга мажбур бўлдик. Бизни алдоқчига чиқармоқчи бўлганларга Наманганда уч кун давомида истиқомат қилганимизни шаҳардаги «Жасмин» меҳмонхонаси камералари билан исботлашимиз мумкин.
Аксарият санъаткорлар концерт хизмати учун гонорарни олдиндан олади. Концерт қолдирилмасин, мухлисларимиз ранжимасин деб, шунингдек, ташкилотлар яна турли баҳоналар келтиргани боис, биз гонорарни ҳам концертдан кейин олишга рози бўлгандик. Энди аён бўляптики, ташкилотчилар ҳатто ички ишлар органларини ҳам огоҳлантириб қўймаган экан.
Маълумот учун, “Уммон” гуруҳи йигитлари ҳам 9—10 июнь кунларига белгиланган концерт ўтказилмагани учун наманганлик мухлисларидан узр сўради. Йигитларнинг видеомурожаати YouTube’да эълон қилинган.
17.11.2023, 09:49
3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...
16.11.2023, 12:40
Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...
10.11.2023, 12:45
Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...
04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
