“Nimagadir doim bo`r egim keladi. Bu holat ikkiqatligimda boshlangan. Tuqqanimdan keyin o`tib ketadi, deb o`ylardim. Hozir farzandim tug`ildi, katta bo`lib qoldi. Ammo bo`r eyish odatimni tashlolmayapman. Bu qandaydir kasallikmi yoki boshqa sababi bormi? Iltimos, tushuntirib bersangiz”.
Zulfiya, Xorazm viloyati
Eksperti: Salomat XO`JABOEVA, pediatr
–Bo`r eyish bilan bog`liq hazm buzilishi tibbiyotda pikaiszm deyiladi. Bu holatda odam oziq-ovqatlar tarkibiga kirmaydigan g`aroyib narsalar: tosh, bo`r, tuproq, sovun, qog`oz kabilarni iste`mol qila boshlaydi. Shu o`rinda bu narsalarni eyish istagi mislsiz ishtiyoqqa aylanadi.
Kimlarda uchraydi?
Ko`pincha 2-7 yosh orasidagi ayrim bolalarda bo`r iste`mol qilishga ishtiyoq kuchli bo`ladi. Asosan ruhiy rivojlanishda biroz bo`lsa-da tengdoshlaridan ortda qolayotgan bolalar doimiy ravishda to`yib ovqatlanmaganda yoki organizmiga temir, kalsiy kabi moddalar etishmaganda shunday g`ayritabiiy ishtaha paydo bo`lishi mumkin.
Bunday odat jinsiy rivojlanishning ilk davrlarida, 12-13 yoshlilarda hamda homilador ayollarda ham paydo bo`lishi mumkin. Biroq ayrim ayollarda tug`uruqdan keyin bu holat o`tib ketadi. Ammo bunday ishtiyoqning asl sababi hozircha aniqlanmagan. Kuzatuvlar esa aynan temir etishmovchiligi bilan bog`liq kamqonlikda hamda homiladorlikda bo`r eyishga ishtiyoq sezilishini tasdiqlagan.
Qonda temir etishmovchiligi bo`lsa odam bo`r va tuproqgina emas, hatto kraxmal, tish pastasi kabilarni ko`rsa ham ishtahasi ochiladi...
(Maqolaning davomini "Darakchi" gazetasining 38-sonida o`qiysiz).
