Giyohvandlik vositalarining noqonuniy aylanmasiga qarshi bojxona xodimlari tomonidan samarali kurash olib borilmoqda.
Jumladan, Andijon viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi xodimlari tomonidan giyohvandlik vositalarini noqonuniy saqlash va ularni qonunga xilof tarzda tarqatishga qarshi tezkor tadbir o`tkazildi. Bu haqda Davlat bojxona qo`mitasi axborot xizmati xabar bermoqda
Tezkor tadbir davomida, fuqaro N.O`.ning yashash xonadoni belgilangan tartibda xolislar ishtirokida ko`zdan kechirildi.
Natijada, ushbu shaxsning xonadonida “gultuvak”ka ekib parvarish qilinayotgan bir tup “kannabis” va 1,2 gramm marixuana giyohvandlik moddasi borligi aniqlandi.
Hozirda yuqoridagi holat yuzasidan bojxona tekshiruvlari davom ettirilmoqda.
