Kecha, 23 avgust kuni xalq ta`limi tizimini rivojlantirish, pedagoglarning malakasi va jamiyatdagi nufuzini oshirish, yosh avlod ma`naviyatini yuksaltirish masalalariga bag`ishlangan videoselektor yig`ilishi bo`lib o`tdi. Prezident Shavkat Mirziyoev O`zbekiston teleradiokompaniyasining «Madaniyat va ma`rifat» telekanali ko`rsatuvlarining asosiy qismi ta`lim-tarbiya jarayonlari, o`qituvchi va murabbiylarning faoliyatiga bag`ishlanishi kerakligini aytdi.
Shuningdek, Prezident hududiy teleradiokanallarda ham maktablar va muallimlar faoliyatini yoritishga keng o`rin berilishini ta`kidladi.
— Jamiyatimizda eng e`zozli inson o`qituvchilar, muallimlar bo`lishi kerak, — dedi davlatimiz rahbari.