O`zbekiston Respublikasi O`rmon xo`jaligi davlat qo`mitasining ma`lum qilishicha, Orol dengizi qurishining xavfli ta`sirini kamaytirish, hududda ekologik barqarorlikni ta`minlash uchun 2018-2019-yil qish bahor mavsumida 500 ming gektarlik o`rmonzorlar vujudga keltirildi. 2021 va 2022-yillarda yana 700 ming gektar erga 100 milliondan ortiq saksovul ekiladi.
2018-2019-yil kuz-qish mavsumida 500 ming gektar maydonga muhofaza o`rmonzorlarini yaratish uchun daraxt o`tqazilgan. Bu Ayrim mutaxassislar ushbu ko`rsatkichni 42 yillik natija bilan taqqoslagan – o`tgan yillar davomida 400 ming gektar maydonga saksovul ekilgan.
Rejalarga ko`ra, ikki yilda 700 ming gektar er yashil hududga aylantirilishi mumkin. Shuningdek, o`rmon xo`jaliklari tomonidan 1,5 ming tonna saksovul, 300 tonna qandim, 150 tonna qoraburoq va 50 tonna cho`l ozuqa o`simliklari urug`ini to`plash, 100 million donadan ortiq saksovul ko`chati tayyorlash, 100 kilometr masofada qumni zichlash, shuningdek, cho`llanishga qarshi kurash bo`yicha xorijiy davlatlar tajribasini o`rganish va hamkorlik o`rnatish rejalanmoqda.
Ko`rilgan choralar natijasida Orolbo`yida ekologik holatni barqarorlashtirish, aholining ijtimoiy-iqtisodiy ahvolini yaxshilash, bandlikni oshirish, chorvachilikni rivojlantirish mumkin bo`ladi.
