Aktrisa Zilola G`ulomovaning ijtimoiy tarmoqdagi sahifasini kuzatidagan bo`lsak, bir zumga ham tinch o`tirmasligiga guvoh bo`lamiz. Kuni kecha u bilan suhbatda, qiziq bir ma`lumotga ega bo`ldik...
— Salkam 7 yilga yaqin O`zbek milliy akademik drama teatrdan maosh olmaganman. Lekin buning uchun hech qachon afsuslanmayman. Chunki birinchi navbatda, teatr men uchun katta maktab. Buni anglagan holda boshqa aktrisalar bilan teppa-teng ishlab ijod qilganman, katta-kichik rollarni ijro etdim. Bundan tashqari, faoliyatim davomida ustozlarimning duosini olishga muvaffaq bo`lganim katta baxt. Bu har qanday moddiy qimmatliklardan afzalroq. Farzandimning qadami qutlug` kelgan. Qizim dunyoga kelganidan so`ng ikki oy o`tib, menga shtat ajratishgan.
