O`zbekiston Sog`liqni saqlash vazirligi 15 avgust kuni tibbiy yordam davlat byudjeti hisobidan ko`rsatiladigan kasalliklar ro`yxatini tasdiqladi. Buyruq Adliya vazirligi tomonidan ro`yxatga olinib, kuchga kirdi.
Adliya vazirligi matbuot xizmatining xabar qilishicha, ro`yxat 6 toifa va 131 guruhdagi kasalliklardan tarkib topgan:
- 18 yoshgacha bolalar kasalliklari — mukovissidoz, atopik dermatit, bolalar serebral paralichining turli shakllari;
- patologiyali xomilador ayollar xastaliklari — homila tushishi, glaukoma, kollagenoz, sil va boshqalar;
- endokrin tizimi kasalliklari — gipertireoz, homilador ayollarda 1-tur kandli diabet (24 haftagacha) va boshqalar;
- dermatovenerolok xastaliklari — psoriaz, vitiligo, kriptokokkoz va boshqalar;
- ftiziatriya va pulmonologiya — kavernali sil, fibroz kavernali sil, bronxoektatik kasallik va boshqalar;
- saraton kasalliklari — melanoma, periferik nerv xavfli o`smalari va boshqalar.
Bepul tibbiy yordam olish uchun bemorlar tibbiyot muassasasi yo`llanmasini olishlari kerak.
