Qoraqalpog`istonda 12.8 mln. so`mlik, Toshkentda 15.1 mln so`mlik tovar-moddiy boyliklarning bojxona nazoratidan yashirilgani fosh qilindi. Andijonda esa...
Mamlakatimizga sifati kafolatlanmagan tovar moddiy boyliklarini yashirin yo`llar bilan olib kirishga bo`lgan urinishlarga qarshi bojxonachilar tizimli ravishda kurash olib bormoqda.
Bu haqda Davlat bojxona qo`mitasi Telegramdagi rasmiy axborot kanali orqali xabar berdi. xabar berdi.
Xususan, Qoraqalpog`iston Respublikasi bojxona boshqarmasi “Dout ota” chegara bojxona posti xodimlari qo`shni mamlakatdan kirib kelgan xorijiy davlat fuqarosi B.X. boshqaruvidagi “KIA Sportage”avtoulovini belgilangan tartibda xolislar ishtirokida nazoratdan o`tazishdi.
Natijada, avtomashina yukxonasida deklarasiyada ko`rsatilmagan va bojxona xodimining og`zaki so`rovida ma`lum qilinmagan 12,8 million so`mlik 32 quti biofaol qo`shimchalar borligi aniqlandi.
Shuningdek, yana bir holatda Andijon viloyati bojxona boshqarmasi “Do`stlik” chegara bojxona posti xodimlari fuqaro I.N.ning bojxona qoidabuzarligini o`z vaqtida fosh etishdi.
Qo`shni mamlakatdan kirib kelar ekan,ushbu shaxsning xatti-harakatlari bojxonachilar e`tiborini tortdi va u belgilangan tartibda bojxona ko`rigidan o`tkazildi. Natijada, uning yuklari orasida bojxona nazoratidan yashirilgan umumiy qiymati 37,8 million so`mlik
kiyim-kechaklar borligi aniqlandi.
Toshkent shahar bojxona boshqarmasi “Chuqursoy” tashqi iqtisodiy faoliyat bojxona postida ham yana bir qonunbuzarning qilmishiga o`z vaqtida nuqta qo`yildi.
Ya`ni, xorijiy mamlakatdan poytaxtimizdagi mas`uliyati cheklangan jamiyatlardan birining nomiga keltirilgan umumiy qiymati 20 500 AQSh dollariga teng bo`lgan karniz va pardalarning konteynerlardagi miqdori bilan hujjatlardagi mutanosibligi tekshirildi.
Tekshiruv jarayonida, konteynerlarda hujjatlarda ko`rsatilganidan ortiqcha bo`lgan 15,1 million so`mlik jalyuzi va pardalar uchun mo`ljallangan matolar borligi aniqlandi.
Hozirda yuqoridagi holatlar yuzasidan bojxona tekshiruvlari olib borilmoqda.