“Ochiq osmon” xalqaro me`yorlariga muvofiq joriy yilning 1 oktyabridan «Qarshi», «Nukus» va «Termez» xalqaro aeroportlarida «beshinchi havo erkinligi» tartibini qo`llagan holda, shuningdek «Buxoro» aeroportida chet davlatlar fuqarolarini tashishda “Ochiq osmon” rejimi joriy etiladi.
Mazkur ko`rsatmalar O`zbekiston respublikasi Prezidentining “O`zbekistonda turizm sohasini yanada rivojlantirish chora-tadbirlari to`g`risida”gi Farmonida nazarda tutilgan.
Ushbu hujjatga ko`ra, O`zbekiston Respublikasi transport vazirligiga Tashqi ishlar vazirligi bilan hamkorlikda ikki oy muddatda chet el aviasiyasi rahbarlarini va xorijiy aviatashuvchilarni xabardor qilish vazifasi yuklatildi. Shu jumladan, O`zbekistondagi rasmiy kanallarga ham “Ochiq osmon” rejimi e`lon qilingan xalqaro aeroportlar ro`yxatini e`lon qilish topshirildi.
Ushbu chora-tadbirlar mamlakatda turizm sohasini samarali rivojlantirish maqsadlariga xizmat qiladi.
