O`rmon yong`inlari kuchaymoqda (Video)

Olimlar Sibir va Amazoniyadagi o`rmonlar hududi keskin ravishda qisqarib ketayotganligidan qattiq tashvishda ekanliklarini, buning oqibatlar insoniyat uchun ayanchli bo`lishi mumkinligi haqida bong urishmoqda. Bu haqda Euronews.com.nashri xabar bermoqda.

Kosmosdan olingan tasvirlar Sibirdagi yong`inlardan chiqayotgan quyuq tutun Alyaska va Kanadaning g`arbiy sohillari hududiga qadar etib kelganini ko`rsatmoqda. Ayrim ma`lumotlarga ko`ra, Sibirdagi o`rmon yong`inlari 3 mln.dan 5 mln.ga qadar hududni qamrab olgan. Sibirdagi yong`inlar sabab atmosferaga chiqayotgan zararli gazlar miqdori hozirda rekord darajaga borib etgan. Shu kabi holatni Amazoniyada tekisliklarida ham ko`rish mumkin.

Xalqaro yovvoyi tabiat fondi o`rmon massivlariga boy mamlakatlar ularni asrash yo`lida ko`proq choralar ko`rishi zarurligini ta`kidlashmoqda. Birinchi galda o`rmonlarning noqonuniy kesilishi va yong`inlar kelib chiqishining oldini olish zarur. Zero, aynan daraxtlar insonlarning toza havodan nafas olishini ta`minlab beradi. BMTning oziq-ovqat va qishloq xo`jaligi tashkiloti ma`lumotlariga ko`ra, o`rmonlar sayyoramizning 31 % qismini qoplagan bo`lib, 4 milliard gektar hududni egallaydi. Aynan o`rmonlar har yili millard tonna karbonat angidrid gazini yutadi.