Naqqosh askar tomonidan portretlar va yuzga yaqin landshaftli bezaklar yaratildi (Foto)

Jamiyat 23.07.2019, 16:36
Teglar: Foto
Naqqosh askar tomonidan portretlar va  yuzga yaqin landshaftli bezaklar yaratildi (Foto)

Markaziy harbiy okrugiga qarashli Jizzax viloyati Baxmal tumanidagi harbiy qismda naqqosh askar tomonidan bir qator san`at asarlari yaratildi. Bu haqda Markaziy harbiy okrug matbuot xizmati ma`lum qildi.

Shartnoma asosidagi harbiy xizmatchi, oddiy askar Qobiljon Mamadaliev 1994 yilda Namangan viloyati Uychi tumanida tug`ilgan. Bolaligidan rasm chizish, naqqoshlik san`atiga ishtiyoqi o`zgacha bo`lgan o`g`lon kollejni tamomlab, 2013-2015 yillar davomida naqqoshlik va dizayner yo`nalishi bo`yicha qo`shimcha ta`lim olgan.

2016 yilda muddatli harbiy xizmatni o`tab, shartnoma bo`yicha xizmatga qoladi. Hozirgi vaqtga qadar qo`li gul askar “Men g`olibman”, “Buyuk siymolar” hamda ko`plab landshaftli bezaklarni yasab, harbiy qismga o`zgacha ko`rk qo`shib kelmoqda.

“Men g`olibman” nomli portret va “Temur tuzuklari” kitobi tobora ommalashib bormoqda. Yaqinda ushbu san`at asarlari O`zbekistondagi birinchi raqamli “Kattaqo`rg`on” poligoniga ham o`rnatildi.

“Men o`z kasbimdan faxrlanaman, chunki bolalikdagi birdan bir orzuyim Vatan himoyachisi bo`lish edi. Sevimli kasbim va mashg`ulotim bilan shug`ullanishga imkoniyat yaratib berishmoqda. Bundan juda xursandman”, deydi harbiy xizmatchi Qobiljon Mamadaliev.

Harbiy qismda tashkil etilgan naqqoshlik to`garagiga ko`plab harbiy xizmatchilar a`zo bo`lmoqda. Hozirda ushbu harbiy qismda buyuk bobokalonimiz Amir Temur siymosi va “Temur tuzuklari” kitobi zamonaviy yondashuv asosida yaratilmoqda. Bunday iste`dodli harbiylar hamisha qo`llab-quvvatlanishi lozim.

Sharhlar

Pedagoglarni 3 yil kuttirgan qonun nihoyat imzolandi

21.02.2024, 17:28

Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...
⚡️iPhone 16 ko`rinishi e`lon qilindi

13.02.2024, 09:36

Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...
Vayron bo`lgan uylar, jarohat olgan odamlar va ularga yordam berayotgan xodimlar… Sergelida otgan mash`um tong (fotojamlanma)

29.09.2023, 00:10

Bugun, 28 sentyabr kuni soat 02:43 da Toshkent shahar Sergeli tumani "Quruvchilar" dahasida joylashgan omborxonalarning birida kuchli chaqnash oqibatida yong`in sodir bo`lgani haqida xabar bergan...
Birinchi qor og`ushidagi Toshkent (fotoreportaj)

05.12.2022, 20:26

"O`zgidromet" bashorat qilganidek, O`zbekistonga qish 1 dekabrdan kirib keldi. Dam olish kunlari respublikada havo harorati keskin tushib, Nukusda -17 darajani, kuni kecha Navoiy viloyatida esa...
Ob-havo: Toshkent
Valyuta kursi
1