Bojxonachilar tomonidan sifati kafolatlanmagan mahsulotlarning noqonuniy aylanmasiga qarshi tizimli ravishda kurash olib borilmoqda.
Jumladan, Toshkent viloyati bojxona boshqarmasiKontrabanda va bojxona qonunchiligi buzilishiga qarshi kurashish bo`limi xodimlari tomonidan Toshkent shahri Chilonzor tumanidagi fuqaro M.Sh.ga tegishli xonadon belgilangan tartibda xolislar ishtirokida ko`zdan kechirildi. Bu haqda Davlat bojxona qo`mitasi axborot xizmati xabar bermoqda.
Natijada, ushbu shaxs o`z uyida jami 72 turdagi umumiy qiymati 297 million so`mlik sport ozuqalarini noqonuniy saqlab kelayotgani fosh etildi.
Hozirda yuqoridagi holat yuzasidan tekshiruv harakatlari olib borilmoqda.