Braziliyaning Rio-de-Janeyro shahrida yuqori havo harorati kuzatilmoqda, deya ma`lum qilmoqda Ntdtv.ru nashri.
Kunlarning isib ketishi esa nafaqat odamlarga, balki jonivorlarga ham salbiy ta`sir ko`rsatmoqda. Shahardagi markaziy hayvonot bog`ida jonivorlar issiq haroratdan aziyat chekishmoqda. Bog` ma`muriyati esa ularga muzqaymoq va muzlatilgan mahsulotlar berishni boshlagan. Shuningdek, bu erda hayvonlarni tez-tez cho`miltirishni kanda qilishmayapti. Xodimlarning ta`kidlashicha, ayrim jonivorlar issiq sharoitga moslashmagan bo`lib, nobud bo`lishi mumkin. Rio-de-Janeyroda ayni vaqtda havo harorati 35 daraja ekanligi qayd etilgan.