GM Uzbekistan "Lacetti" avtomobili uchun imtiyozli kreditlarni e`lon qildi

«GM Uzbekistan» kompaniyasi «Kapitalbank» bilan hamkorlikda «Lacetti» avtomobili uchun imtiyozli kreditlarni joriy qildi. Bu haqda kompaniya matbuot xizmati xabar berdi.

Endilikda Lacetti SX M/T (1-poz.) avtomobiliga quyidagi shartlar asosida imtiyozli kredit rasmiylashtirish mumkin:

• 10% oldindan to`lov amalga oshirilganda — 5 yilgacha — 22% yillik;
• 30% oldindan to`lov amalga oshirilganda — 3 yilgacha — 20% yillik;
• 50% oldindan to`lov amalga oshirilganda — 2 yilgacha — 19% yillik;
• 60% oldindan to`lov amalga oshirilganda — 15 oygacha — 18% yillik.

Imtiyozli avtokredit uchun hozirda 1000 dona mazkur rusumdagi avtomobil jamlanmasi sotuvga chiqarilgan.

Tez orada kommaniya avtokredit rasmiylashtirish orqali xarid qilish mumkin bo`lgan «GM Uzbekistan» avtomobillari modellarini kengaytirishini ma`lum qilgan.