O`zbekiston xalq artisti Yulduz Usmonova internetda qizg`in muhokama qilingan videorolikga bildirilgan tanqidlarga javob berdi. Hayotdan mamnun bo`lishni o`rganish kerakligini alohida ta`kidlab o`tdi primadonna.
“Hayotdan mamnun bo`linglar. Bunchalik agresiv, negativ bo`lish kerak emas. Opamni achig`i keladi deb o`ylamanglar. Men hammalaringni baribir yaxshi ko`raman. Sizlar uchun "Kiki"ni o`ynab yuraveramiz. Bilgan bo`lsalaringiz, o`rik oldida ham o`yinga tushganmiz, shunda ham kayfiyatimiz yaxshi edi. O`sha "Kiki"ni o`ynagan kunimiz ham, to`ylarni chiroyli o`tkazib, zo`r bo`lgani uchun kayfiyat yaxshi edi. Hamisha sizlar uchun o`yinga tushib yuraylik”.
Eslatib o`tamiz, O`zbekiston xalq artisti Yulduz Usmonova mashina oldida raqs tushgan videorolik internetda yashin tezligida tarqaldi. Unda san`atkor oxirgi payt trend bo`layotgan "Kiki Challange" raqsini ijro etgan.
Shuningdek, kecha Yulduz Usmonovaning qizi Nilufar Usmonova beshinchi bor ona bo`ldi.
