Amerikaning Massachúsets shtatida bir necha yillardan buyon faoliyat yuritayotgan Ekstremal Bionics markazi yangi ajoyib ixtiro yaratdi.
Markaz tashkil etilganidan buyon, uning asosiy maqsadi keng tarqalgan jismoniy cheklov muammolarini hal etishdir. Olimlar falaj muammosini hal etish maqsadida sun`iy umurtqa yaratishdi. Ixtirochilarning aytishicha, yaqin kunlarda sun`iy umurtqaning sinov kunlari boshlanadi. Sun`iy umurtqa tabiiy umurtqadan unchalik farq qilmaydi. Olimlar mazkur sun`iy umurtqaga 100 foiz kafolat berishmoqda. Ularning aytishicha, mazkur ixtiro dunyodagi millionlab bemorlarning dardiga davo bo`lishi mumkin.
