ShAVKAT MIRZIYoEV VA VLADIMIR PUTIN TELEFON ORQALI MULOQOT QILDI

Jamiyat 08.10.2017, 12:22
Teglar: O`zbekiston, Rossiya
ShAVKAT MIRZIYoEV VA VLADIMIR PUTIN TELEFON ORQALI MULOQOT QILDI

O`zbekiston Prezidenti Shavkat Mirziyoev 7 oktyabr kuni Rossiya Federasiyasi Prezidenti Vladimir Putin bilan telefon orqali muloqot qildi.

Davlatimiz rahbari muloqot avvalida Rossiya Federasiyasi Prezidentini tug`ilgan kuni bilan samimiy muborakbod etib, Rossiya rahbarining mamlakatlarimiz o`rtasida strategik sheriklik va ittifoqchilik munosabatlarini rivojlantirish va mustaxkamlash, ko`p qirrali va o`zaro manfaatli hamkorlikni kengaytirishdagi alohida o`rni va ulkan shaxsiy hissasini alohida qayd etdi.

Joriy yil aprel oyida Rossiyaga amalga oshirilgan samarali davlat tashrifi va bo`lib o`tgan oliy darajadagi uchrashuvlar o`zaro munosabatlarni mustahkamlab, ularni aniq amaliy mazmun bilan boyitgani mamnuniyat bilan qayd etildi.

O`zaro aloqalarning sezilari jadallashgani kuzatilmoqda: keyingi oylarda Rossiya hukumati Raisining birinchi o`rinbosari, Iqtisodiy hamkorlik bo`yicha hukumatlararo komissiya hamraisi I.Shuvalov, Xavfsizlik kengashi kotibi N.Patrushev, qishloq xo`jaligi vaziri A.Tkachev, sanoat va savdo vaziri D.Manturov, Tatariston rahbari R.Minnixonov va boshqalar tashrif bilan O`zbekistonda bo`ldilar. Oliy va yuqori darajadagi yana qator tashriflarni amalga oshirish rejalashtirilgan.

O`zaro savdo hajmi jadal ortib bormoqda – yil boshidan buyon tovar ayirboshlash hajmi 3 milliard dollardan oshdi.

Rossiyaning etakchi kompaniya va banklari ishtirokida neft-gaz va neft-kimyo sohalari, metallurgiya, mashinasozlik, elektr texnikasi sanoati, farmasevtika, agrosanoat, oziq-ovqat va boshqa tarmoqlarda yirik investisiya loyihalari amalga oshirilmoqda.

Ikki davlat hududlari va ishbilarmon doiralari o`rtasidagi amaliy hamkorlik faollashdi. Madaniy-gumanitar almashinuv kengayib bormoqda.

Yaqinda Moskva va Butun rus Patriarxi Kirillning O`zbekistonga tashrifi ham xalqlarimiz o`rtasida do`stlik va o`zaro anglashuvni mustahkamlashga xizmat qilgani ta`kidlandi.

Muloqot chog`ida ikki tomonlama amaliy hamkorlikni yanada kengaytirish masalalari muhokama qilindi. Xalqaro va mintaqaviy siyosatning dolzarb masalalari yuzasidan fikr almashildi.

Muloqot so`ngida davlatimiz rahbari Rossiya Prezidentini yana bir bor samimiy tabriklab, unga mustahkam sog`liq va ulkan muvaffaqiyatlar, do`st Rossiya xalqiga tinchlik va farovonlik tiladi.

Rossiya rahbari O`zbekiston Prezidenti va xalqiga samimiy tabrik uchun chuqur minnatdorlik bildirib, O`zbekiston-Rossiya strategik sheriklik va ittifoqchilik munosabatlarini yanada mustahkamlashga intilishi qat`iy ekanini alohida ta`kidladi.

Sharhlar

O`zbekiston Eronni mag`lub etib, Osiyo kubogiga yo`llanmani qo`lga kiritdi (video)

13.09.2023, 11:02

Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol  o`tkazib...
Rossiyadagi eri bilan janjallashgan ayol farzandlarini kaltakladi. Onaga nisbatan jinoiy ish ochildi (video)

15.07.2023, 09:45

Samarqand viloyati Kattaqo`rg`on tumanida 1996 yilda tug`ilgan ayol Rossiyada ishlovchi eri bilan janjallashishi oqibatida ikki nafar voyaga etmagan qiz farzandlarini kaltaklab, uni tasvirga olib, eriga...
Rossiyalik qutqaruvchilar Turkiyadagi vayronalar ostidan 150 ming AQSh dollari topib olishdi

14.02.2023, 13:14

Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi."Rossiya Favqulodda vaziyatlar...
Daniyalik siyosatchi Rossiyadagi elchixona oldida uchinchi marta Qur`onni yoqib yubordi

30.01.2023, 12:54

Daniyalik siyosatchi Rasmus Paludan Rossiyaning Daniyadagi elchixonasi yaqinida uchinchi marta Qur`onni yoqib yubordi. Endi u buni "Checheniston va uning rahbarining aybi bilan" qilganini, shuningdek, chechenistonlik...
Ob-havo: Toshkent
Valyuta kursi
1